葉蒨文 Sophie 爆紅原因公開！真性情女神圈粉無數
各位觀眾！一講起「葉蒨文」，你地係咪諗起唱《瀟灑走一回》嗰位？不過，上一段片講完GM，今次一定要講下依個葉蒨文Sophie！依一位《愛·回家》嘅島大女神Candy，更係現實版打工慳妹，依家仲係戀愛真人騷嘅女神Sophie！
正片開始之前，請多多支持，記得CLS，Comment、Like、Share！哇，童顏加索爆身材，網民封佢做TVB『最被低估小花』，真係冇講錯！但係你以為女神嘅生活真係好似Candy咁，淨係負責靚同撒嬌咩？你真係too young, too simple, sometimes naïve啦！ Sophie嘅真實人生劇本，精彩過《愛·回家》十倍！佢試過選港姐三十強止步，戶口試過得返兩位數！為咗生計，仲做埋真‧『白衣天使』！唔係拍劇嗰啲，係真‧尖沙咀某牙科診所朝九晚五兼職護士！
朝早九點，Sophie女神唔係瞓緊美容教，而係換緊制服！幫手執文件、對預約、掃藥房？濕濕碎啦！慳妹本色盡現：午餐？一個$48嘅快餐搞掂！慳得就慳！網民知道咗都勁讚：『哇！真·女神唔使食仙氣，食飯盒都得！仲要咁勤力！』不過呢，據聞Sophie近期專注幕前，呢份『秘勞』要暫停先啦，各位想睇『護士Sophie』可能真係要睇番《愛·回家》啦！哈哈！
講開食，Sophie自封『食物焚化爐』！細個可以一日七餐，食贏男同學！試過鬥食飯，男仔食5、6碗投降？Sophie：『我食得更多，再加餸！』佢仲話：『我係食極唔肥㗎！』阿媽仲以為佢生蟲！各位恨到流口水嘅姊妹，係咪好想打佢？冷靜！冷靜！佢話主要靠運動keep㗎！你以為佢真人好似Candy咁嗲？錯！佢自認係『男仔頭』、『硬淨過鐵』！單親家庭長大，英國自己留學，獨立到飛起！唔笑嗰陣仲成日被人誤會黑面，咁真係好冤枉呀！佢話：『我好少被人利用，覺得個男仔唔對路？即刻閃！』
不過呢，演咗Candy六年，Sophie話自己真係被融化咗少少：『以前淨係對屋企人同男友撒嬌，𠵱家成個人可愛咗，無咁自我同強勢！』睇嚟做演員真係可以改變人！但係！佢心入面團火係想演......打女！紀律部隊！行政人員！仲話：『我有舞蹈底子，想好似阿Moon咁又靚又打得！』
而係感情方面，Sophie不介意公開有男友，曾聲稱已經有圈外男友，笑言自己不是模特兒又不是偶像派，不擔心公開戀情會趕走Fans！Sophie曾經講過：自己的性格比較率直，不想刻意隱瞞，有拖拍都會公開，亦不擔心流失男Fans，始終我是由路人甲開始演起，加上我演了很多次妓女，男Fans應該沒有幻想吧？哈哈！但如果有綜藝節目邀請一對情侶做任務，對方接受的話，我也沒有問題，始終拍拖是正常生活。不過早前拍拖六年的感情似乎迎來告終。就係今年2月14日情人節深夜時分，Sophie在IG社交平台上低調發文，暗示已經回復單身，她貼出獨自在遊樂場拍照的相片，寫道：「今個情人節冇情人」。所以，GM機會嚟喇飛雲！
《女神配對計劃》嘅導演最新上載左一段曾展望的面試花絮。片中，曾展望被問到Sophie是否知道他有參加節目時，他笑言：「應該唔知，我仲問佢做咩唔搵我，」其後更即席清唱庾澄慶的《情非得已》，畫面同時播放兩人的甜蜜合照，氛圍浪漫又甜蜜。希望GM可以成功追到Sophie，我相信一定公開俾大家知，俾大家祝福下！
所以話，葉蒨文Sophie，絕對唔止係《愛回家》嘅Candy咁簡單！佢係貼地慳妹護士、係『食物焚化爐』嘅男仔頭、係渴望做打女嘅硬淨女仔、更係被GM一句表白就搞到心跳加速嘅甜蜜小女人！人生劇本充滿反差同驚喜，真係夠曬『瀟灑走一回』！大家記得要Like同Subscribe，記得留言話：「我係MC CP粉，同埋留低你嘅祝福！」正所謂：啊！送你送你祝福永不斷，哈哈！今集又完啦！我地下集再見！Bye Bye！
留言
張貼留言