【娛樂快訊】女神配對計劃 第八集預告瘋傳!Sophie甜爆認「心動只有GM一個」
大家好，歡迎收看「娛樂快訊」，今日帶大家拆解女神配對計劃最新熱話：葉蒨文Sophie公開承認對曾展望GM有Feel，但同時霸氣表示嫁入豪門？零興趣！加上GM同sophie睇戲嘅回應，仲有第八集嘅最新預告！
先講個背景俾大家知！Sophie 曾在英國留學，身邊盡是富二代、生意人，豪車鑽戒見慣見熟。GM 比 Sophie 細五年；真人騷中勇字當頭，表白快過討論區D Post。網民已經自動在大腦辦喜酒，催婚聲此起彼落，壓力值直迫觀塘隧道收費站。重點來了！Sophie 兩大金句幫網民解除粉紅濾鏡，不合適的話，無論大家如何力推曾展望也沒用！我想要簡簡單單，一齊放工去旅行咁得啦！
Sophie用親身經驗話你知：有House又點？有公子病才恐怖！年紀差五年又點？Sophie完全唔介意！價值觀一致先係永久按揭，所以要先了解清楚才能做出選擇！
Sophie同GM私下進展至約會階段，早前在3號風球下相約睇戲。GM接受訪問時坦言此事，並回應網民質疑違規：「露營後已可私下約會，只是未特別公布。」他透露約會並不頻繁，稱當天拍攝後隨口提到電影便一起去看。被問及是否介意其他參賽者約Sophie，他坦承會有些吃醋，但表示：「佢同普通朋友去街都係佢嘅權利。」而sophie都曾表示唔係睇電影超人，而係睇F1！GM也在instagram上寫：Slow is smooth smooth is fast，是F1的經典台詞，即係慢即是穩，穩即是快！希望佢慢慢咁就十拿九穩，咁就最快咁追到sophie!
依家講下GM的「情敵」富二代Eddie林堡熙，sophie直認欣賞Eddie，但可以欣賞好多人，而GM是心動，心動只有GM一個人！而最近有網民發現原來Eddie在Eddie林堡熙instagram上沒有follow sophie，Eddie也回應網民表示咁就繼續留意個節目啦！
第八集嘅最新預告，Sophie在鼻尖碰鼻尖挑戰中的反應，真的是太可愛了！讓我們一起來看看這位平時強勢的女神，是怎麼瞬間變成害羞小女孩的吧！事情是這樣的，挑戰內容「女神和男士需要鼻尖碰鼻尖十秒，途中不能分開」的時候， Sophie聽到要有身體接觸後，立刻掩嘴尖叫！整個人呆滯了好幾秒！然後害羞得躲到Step身後，一邊甜蜜地瘋狂偷笑，一邊怕羞地緊緊抱住Step。這完全就是小女孩初戀時的反應啊！然後GM向來口多多的他見到這個情況更加興奮了！立即口花花拋出一句經典金句：「 可以改一改個秒咯，10日！」這句話一出來，帳篷內的四個人立即陷入尖叫狀態！尖叫聲大到連阿bob都要衝入帳篷問：「做咩？你做咗咩賤嘢呀你？」在一輪起哄後準備正式開始，GM霸氣地宣布：「咁我過嚟喇。」此時Sophie已經滿面春風，閨密Hilary見狀忍不住大叫：「佢兩個勁有粉紅泡泡咯！咩事呀？！」王菲也直指Sophie個樣超怕醜，現場氣氛已經甜到令人起雞皮！重頭戲來了！二人鼻尖終於觸碰的一刻，Sophie全程勁緊張，紅到面哂！最搞笑的是她中途竟然一度笑住向後縮，完全無法控制自己的情緒！GM則望住鏡頭傻笑，這個畫面既粉紅又爆笑！在場人士立即起哄：未有十秒呀！Sophie與GM鼻尖又重新開始第二回合，可惜Sophie太過激動又再次斷線，反覆幾次重新嚟過。同場食緊花生嘅細John同Step眼見GS不停起哄：玩到聽朝呀！我好似睇咗婚禮錫十秒嗰啲咁！攪到Sophie大叫：你唔好加把口啦！遊戲結束後Sophie接受製作組訪問時，依然一臉甜蜜未散，還大晒嬌俏樣隔空問責GM，她更自爆在GM面前完全做不了平時強勢的自己：唔知點解GM嘅佻皮，搞到好似我都變咗小女孩咁咯。我有時見到佢笑笑吓，咁我又忍唔住就咁樣咯。GM則以標誌性的仰天大笑加上甜笑回應事件！
最後，一圖得知同房名單！由於依張圖係淘汰當晚，所以不在依張圖的人就係成功同房的名單啦！所以，當晚嘅同房名單Sophie組的GM，step組的Jaden，Carman組的Matthew， Maggie組的Matt，Yuki組的Kris，而第二日依五位頸鏈都多左粒珠！推斷同房的五個人，然後這五個人第二天分組時不能在原先的組活動！估計淘汰者為tmax和Issac，而harry後續拍攝都沒出現，退賽了！所以maggie才哭那麼厲害！
GM同Sophie鼻尖貼鼻尖、甜到漏嘅畫面真係令人睇到心跳加速！一邊係霸氣女神變身小女孩，一邊係冧爆全場嘅冧王GM，兩人曖昧指數直線上升！而家再加埋官方同房名單圖曝光，下一集又會點發展？GM會否真係慢即是穩，穩即是快，成功追到Sophie？記得訂閱我哋頻道，撳個鐘仔！下集女神配對計劃，我哋一齊拆解更多粉紅泡泡加幕後花絮！我哋下集再見！
留言
張貼留言