道士征服TVB，曾展望 GM 的奇幻人生

各位觀眾！今日要介紹嘅主角，唔單止係普通藝人咁簡單，佢仲係.......一個讀會計嘅道士！哈哈！一個跳爛三張梳化嘅過度活躍症患者！一個上戀愛節目追女仲要自爆『我同林子祥同一日生日』嘅一個男仔！冇錯，就係近期《女神配對計劃》入面，冧到Sophie葉蒨文笑唔停嘅 —— GM 曾展望！開始之前，請CLS「Comment, Like, Share」，先多謝大家嘅支持！

呢位九七年十月十二日出世嘅洛杉磯回流型男，細個已經係『能量爆棚』代言人！上堂唔係集郵，係集老師簽名去見訓導主任！原因？可能係因為佢心血來潮，覺得課室係... 捉迷藏聖地！GM話：『當年覺得好過癮，好high㗎，心諗，只係跟同學玩啫！』活躍到咩程度？佢屋企張梳化... 唔係坐爛，係跳爛！足足三張！真係『梳化殺手』，阿媽都只能講句：『佢只係活潑咗少少...』直至有一天，GM覺得要正視這個問題，因為他做每一件事都不能聚焦逾10秒；於是，他找醫生求助：「醫生同GM講，佢嘅過度活躍症都幾嚴重，需要食藥。佢食咗藥之後，雖然平靜咗，但係就會有抑鬱嘅感覺，唔開心，做事提唔起勁；之後，我就用做運動及睇書來平靜自己，唔再食藥。」據悉，Sophie都有輕微的過度活躍症，難怪兩人那麼投契。唔通緣份天注定？

但係！能量過盛嘅佢，發現自己專注唔到十秒？點算？睇醫生食藥？No no no... 我哋GM選擇咗一條... 更玄嘅路！因為同學『撞鬼』，佢八卦陪人去見師傅，點知唔係學識捉鬼，而係覺得師傅係『人生導師』！就咁，一個會計師，華麗轉身成為... 七品道士！

從此，GM唔單止悟出『活在當下』，仲get到實用技能！驅鬼？符咒？招財？升運？通通有！但佢最拿手係... 用『花字』幫同事醫瞓捩頸！仲開埋個群組專醫奇難雜症！不過各位Sophie粉絲放心，GM拍心口保證，絕對冇對女神落『和合咒』！正所謂：『GM追女仔，靠實力同埋少少玄學緣份！』

終於來到重點！曾展望曾經在處境劇《愛回家之開心速遞》亦有亮眼表現，飾演接龍員工Mike，與女神葉蒨文飾演的女神Candy有感情事發展，組成了受歡迎的CP拍檔，但在《女神配對計劃》重現真感情，GM火力全開！目標明確：葉蒨文(Sophie)！開場白已經係好鬼勁：『我同林子祥同一日生日！』台下嘅Sophie一聽已經表示「我唔需要嗰五秒喇，由開閘嗰吓我已經揀咗GM喇」GM更自爆暗戀已久，只係當年『名花有主』，如今為咗唔想睇住女神被人追走，怕瘀都要上！一句『畀個機會我哋試吓』，成功奪得『心動頸鏈』！

而同居傳聞？佢地一齊否認咗，GM仲回應話「我都想係，不過我未有咁嘅福份，多謝大家」！不過節目宣傳活動上，Sophie又竟然咁啱又抽中GM玩遊戲？仲要係公主抱！睇下GM個表情，幾滿足！Sophie個樣，幾受落！Sophie話對GM有Feel喎，不過未決定喎，話要認真對待感情... GM，你嘅『道』路，似乎仲有排『修』行喎！

所以話，曾展望GM呢個人，就係一個『矛盾又和諧』嘅集合體！會計底加道士身份，過度活躍加畫符念咒要專注，怕瘀但又為愛勇敢衝！佢嘅人生，同佢追女嘅方式一樣：估佢唔到！充滿驚喜！各位觀眾，你話GM最後追唔追到佢嘅『葉蒨文』呢？記得緊貼《女神配對計劃》，同我哋一齊食住花生等睇戲！話唔定... GM下次唔畫花字，直接畫顆『愛心符』呢？哈哈！我地下條片再見！